潮館：陳瑞麟葫蘆傳奇

終年 banker look的陳瑞麟自喻性格幽默鬼馬，生肖屬 Bo Bo（熊貓 bear bear混合體）。
攝影：黃文成

當中國面向世界展示新勢力時，設計過無數時鐘的陳瑞麟（ Dennis），其時計也準繩地向全世界最尖端的 luxury舞台出發。一手創立的珠寶品牌 Qeelin，中國神韻底子配合 modern vision，告訴世人中國不只有古董及 A貨， first class yet fun的，面世僅 6年的 Qeelin，足以與兩、三百年的殿堂珠寶世家分庭抗禮。　撰文：梁錦貞

陳瑞麟的設計生涯分成三部份， 80年代他為不少品牌如樂聲、 IBM等擔任顧問工作， 90年代不再 behind the scene，推出自己品牌的 lifestyle產品，小如時鐘、座枱燈，大如電話亭、 100呎鐘樓等皆有， 04年推出珠寶品牌 Qeelin，那一夜，張曼玉戴着葫蘆（ Wulu）鑽飾領取康城影后殊榮，接下來有天地（ Tien Di），寶寶（ Bo Bo），蓮之心（ Coeur de Lotous），鈴鐺（ Ling Long），親親（ Qin Qin），如意（ Yu Yi）， Token等等。

接觸過、感受過、體驗過 luxury，有入世消費者的想法令 Dennis領略顧客追求 luxury，嘆的過程很重要，他說：「所以我要面向世界的 luxury大舞台，唔要做 second class嘅嘢，好似排隊買個 LV返嚟就已經唔係嗰回事，冇咗 experience luxury嗰個過程。」

張曼玉 04年摘下康城影后殊榮，同一晚上， Qeelin的葫蘆鑽飾也火速天下知。

陳瑞麟請來杜鵑為 Qeelin親親（ Qin Qin）系列拍攝宣傳照。

抗衡百年洋貨

「 Too Much Money」的 Marc Jacobs也是 Qeelin的用家。　資料圖片

80年代擔任品牌顧問的歲月令 Dennis累積了寶貴的 engineering background，設計車、時鐘到珠寶對他來說都是萬變不離其宗的一回事，他說：「我 04年創立 Qeelin設計珠寶，其實係圓我一個夢，一個面向世界，向 Place Vendome進發嘅夢，到我呢個年紀，鍾意嘅嘢一定有轉變，又或者係有咗更進一步嘅消費能力，設計珠寶係好自然嘅事，我喺名珠寶店林立嘅圓形 Place Vendome，有 Van Cleef& Arpels，有 Cartier，有 Bvlgari，個個都係有幾百年歷史嘅牌子，點解就係冇中國牌子呢？中國有五千年歷史，點解係人諗起中國設計就淨係得清朝古董、酸枝、花梨木、都係舊嘢，或者淨係得抄襲同 A貨，我就以中國色彩嘅元素，加入 modern twist，可以話，我嘅 design就係諗我自己：有中國神韻、簡約、幽默、超級鬼馬，用國際化同現代化嘅形式表達出嚟。」
科技融合設計

Dennis續說：「對我嚟講做 second class係冇意思，呢樣亦都係我哋處女座唔會『求其』嘅特性，碎石我哋都要用 EF色，單石要用 D色，紅寶要用最好嗰批，我永遠係 concept行先，唔會俾其他因素規限住我，啲百年老店係先搵一粒完美無瑕嘅石，再諗點樣雕花切割，我就先有 concept再搵材料，好似我嘅設計 Bo Bo識轉身，又企又坐， Qin Qin兩條金魚識親嘴，初初搞到巴黎啲工匠伯伯頭都痕晒，但係因為我有好好嘅 engineering background，車都做到出嚟，加條磁石呢啲簡直係 a piece of cake（易如反掌）。」

外表永遠斯文西裝骨骨的 Dennis，其打入國際，由概念、設計、市場、營銷的夢經已達成，他說：「以做 creative嘅人嚟講，我對掌握數字生意已經唔算差，但係講唔上強，仲有家做乜都講 networking，好似識咗好多年 Hermè s啲 artistic director Pascale Mussard，就介紹咗一級嘅巴黎工匠幫我做鑲嵌，我生意拍檔 Guillaume Brochard又有豐富做 luxury brand嘅經驗， Qeelin先至會 run得咁成功同順利，又或者可以咁講，真係 timing correct啦，科技進步，資料發達，地球就好似變細咗，中國 bomb，溝埋撞埋就係令我 dream comes true嘅原因。」

窩心暖意之作

Dennis形容自己非常 multi-interested，也愛與人分享一切，換言之相當慷慨而且貼心，近年除了我們看見一個又一個的 Qeelin系列外，他還不停製造售後驚喜給顧客，例如有幸運的顧客會發現自己買回家的 Bo Bo屁股有紋身，天氣冷了這個冬天買了 Bo Bo的顧客將收到一件為 Bo Bo禦寒的 mink，另外他的好友還可以在滑雪時戴着由頂級 chinchilla做成的手套。

貼心的 Dennis，這個冬天送給朋友超級暖笠笠的 chincilla手套。

Bo Bo也有份，這個冬天他有 mink披上身。

中國元素如如意（左圖）、代幣等，在 Dennis腦內、手上不停有 modern twist。

珠寶以外…　攝出浪漫情懷

貼心人開心外， Dennis也不忘積極為自己尋開心，近年他沉迷攝影，用的也是頂級刁鑽的器材，如古董相機拍「大片幅」（ 8x10或 4x5的 large format）， Leica、 Olympus Pen配 50年前的瑞士電影鏡頭等，鏡頭下盡是他認為最美好的 20、 30年代時光，他說：「我唔係懷舊 repeat，而係 rediscover，捕捉嗰個 good mood。」他鏡頭下的女子大多以他認為「最攞命的性感」旗袍示人，計劃今年 10月開始，於巴黎、倫敦、香港及上海等地巡迴展覽。

20及 30年代是 Dennis眼中最美好的時光，模特兒在他鏡頭下，格外憂怨動人。

梁詠琪

2R Rosanne

蘋果日報