陳漫操刀 韓火火styling 打造 2012新境界 熊黛林、劉丹星胸大戰

內地潮人打造 2012新境界 熊黛林、劉丹星胸大戰

熊黛林性感 S腰拗足半小時，影完靚相大呼腰痠背痛。

熊黛林、 Angelababy（楊穎）、姚予晴（ Mikki）所屬的模特兒公司，每年一度的性感月曆，玩過比堅尼、美女與澳洲動物主題， 2012年玩太空 feel， 12位女模齊齊變身性感外星尤物。劉丹性感單手遮胸，熊黛林企木箱擺 S形甫士，笑言扭到腰痠背痛。

熊黛林、 Angelababy、劉丹、顧婭棋和戴小奕等早前在影樓，拍攝公司 Style一年一度的新月曆，由內地人氣火旺的女攝影師陳漫操刀，潮人 blogger韓火火做 styling，眾女模穿上帶科幻味道的銀色晚裝、銀片 corset、透明膠披肩等，性感誘人。

內地女模劉丹最博，單手遮胸，真空火辣上陣。

Baby穿上銀色吊帶裙，演繹神秘科幻味。

30萬裙打頭陣

Baby穿上 30萬銀裙打頭陣做一月女郎，熊黛林則壓軸為十二月之女，顧婭棋和周汶錡等則以藍色長裙，展現華麗型格，眾女模當中，以內地女模劉丹最搏命，真空上陣，單手遮胸、火辣非常。

穿上銀色 corset、熱褲的熊黛林，口咬髮夾，大擺 S形甫士，意態誘惑，她說：「真係嘩一聲，我到現場先知原來要咁性感，但我對佢哋信任，所以都豁出去咯。」她指擺 S腰形甫士，絕不輕鬆，她說：「哎吔，陳漫叫我任意擺動個身，我一擺呢個 S形甫士，佢就話好好，變咗其中一個重點甫士，結果我要企喺木箱， hold住呢個拗腰 S形甫士，拗足半個鐘頭，好辛苦呀。」

周汶錡以 smoky eyes、長直髮配流蘇晚裝，格調華麗、媚惑。

顧婭棋的豹紋眉很野性。

腰痠邊行邊捽

熊黛林續說：「拍完之後我一邊腰都痠晒，收工時一路行，一路都要用手捽條腰。但睇到拍出嚟嘅效果，真係好型、好靚，開心晒，辛苦有價囉。」眾女模的性感月曆將於下月在海港城展出。撰文：林妙萍

蘋果日報